Xurenzás, Boborás

Xurenzás
	Martirio de San Sebastián, na igrexa de San Pedro de Xurenzás
Concello	Boborás
Provincia	Ourense
Coordenadas	42°27′52″N 8°08′33″O / 42.4645, -8.1424
Poboación	102 hab. (2017)
Entidades de poboación	7
	[ editar datos en Wikidata ]

San Pedro de Xurenzás é unha parroquia do concello de Boborás na comarca do Carballiño, na provincia de Ourense. No ano 2007 tiña 110 habitantes, deles 55 eran homes e 55 eran mulleres, o que supón un incremento de 3 habitantes en relación ao ano anterior, 2006.

Patrimonio

Na igrexa de San Pedro consérvanse dous baldaquinos en pé, a ámbolos lados da nave central. Na parede protexida por estes descubríronse recentemente pinturas góticas representando a San Sebastián e á Virxe.

Xurenzás na cultura popular galega

Unha lenda busca explicar a orixe do nome de Xurenzás. Conta que un mouro chamado Zas, que vivía nesta parroquia, se enamorou da filla doutro mouro, que tamén vivía aquí, pero este non llela quixo dar e, para evitar que aquel a tomase, decidiu encantala. Entón, Zas declaroulle a guerra e venceuno, facéndoo prisioneiro. Cando o vencido quixo restaurar a paz, Zas esixiulle un xuramento de obediencia e sometemento ó seu nome. E o vello tivo que aceptar, dicindo: "Xuro en Zas que estou vencido". Así quedoulle ó lugar o nome de Xurenzás ^[2].

Vítor Vaqueiro dá unha segunda versión, na que foi Zas, despois de teimar ante o pai da moza e mesmo intentar comprarlle a filla, quen a encantou, ante o que o pai declaroulle a guerra, aínda que a perdeu. Zas, vencedor, obrigoulle a proferir o xuramento ^[3].

Lugares e parroquias

Lugares de Xurenzás

Lugares da parroquia de Xurenzás no concello ourensán de Boborás
Ensalde \| O Igrexario \| A Ponte Nova \| O Prado \| Valboa \| Ventosa \| Xurenzás

Parroquias de Boborás

Galicia \| Provincia de Ourense \| Parroquias de Boborás
Albarellos (San Miguel) \| Astureses (San Xulián) \| Brués (San Fiz) \| Cameixa (San Martiño) \| Cardelle (San Silvestre) \| Feás (Santo Antón) \| Laxas (San Xoán) \| Moldes (San Mamede) \| Moreiras (Santa Mariña) \| Pazos de Arenteiro (San Salvador) \| O Regueiro (San Pedro) \| Xendive (San Mamede) \| Xurenzás (San Pedro) \| Xuvencos (Santa María)

Notas

↑ ^1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
↑ Vicente Risco, 320.
↑ Vítor Vaqueiro, 521.

Véxase tamén

Bibliografía

RISCO, Vicente: "Cultura espritual", en Historia de Galiza tomo I, 1962 (reed. Akal 1979, 255-777).
VAQUEIRO, Vítor: Mitoloxía de Galiza. Lendas, tradicións, maxias, santos e milagres, Galaxia, Vigo 2011.

Outros artigos

Lugares de Boborás

[nomenclátor-1] 1,0 ^1,1 Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.

[2] Vicente Risco, 320.

[3] Vítor Vaqueiro, 521.

[1]

[2]

[3]